رواية البائسات الثلاثة الفصل الخامس 5 بقلم نوران أحمد
رواية البائسات الثلاثة الجزء الخامس
رواية البائسات الثلاثة البارت الخامس
رواية البائسات الثلاثة الحلقة الخامسة
نجلاء بقلق : اسفه مكنش قصدي اكيد معرفش انها بتاعه حضرتك واكيد مش هتوديه للشرطه صح انت انسان محترم ومتربي 10 مرات وانا تربيه زباله حقك عليا
وليد : وائل قال انك سالتي دي عربيه مين
وعملتي كدا قصد عشان كدا هخصم تصليح العربيه من مرتبك واي غلط تاني هبعت الفيديو للشرطه اتفضلي علي مكتبك واه صح اعمليلي قهوه بسرعه
نجلاء : ابو شكلك وحسبي الله فيك بجد
ونزلت الصيدلية وطلعت عملت القهوه وحطت فيها حاجه وهي بتبص بشر لوليد حطت القهوه علي المكتب وخرجت ومفيش دقائق وكان وليد كل شويه يطلع جري علي الحمام وهي عامله تضحك عليه بشر وهو بيبص ليها ومش قادر يقرب منها لان بطنه كل شويه بتوجعه روح وليد بيته اليوم ده من التعب
ونجلاء كانت حاسه بانتصار
الصبح
عند شيماء
الام : اصحي يا جزمه في دكتور كلمني النهار ده عليكي واخيرا هيبقا ليكي لازمه يا حيوانه
شيماء : استغفر الله ليه الغلط بس يا حجه متخليناش نعمل العوء معاكي بس وبعدين كل الشهادات والجوائز دي وفاشله صحيح الإنسان بيقوي بأهله
الام : اخرسي والله وكبرتي يا شيماء مبسوطه اوي أن في حد شاف اللي جواكي ومبصش علي الشكل
والأهم أن عندك ثقه في نفسك ومش فارق معاكي نظرات الناس وبقيتي دكتوره قد الدنيا انا فخوره بيكي اوي
حضنتها شيماء بدموع كملت الام وقالت
الام : هسيبك لبليل تفكري فيه وعرفيني عشان اديله معاد ويكون اعمامك وصلو
فرحت شيماء جدا وقررت تكلم البنات
في الشركه : كانت نجلاء فوق سلم عالي بتجيب اوراق من الخزنه وهي بتتكلم في التليفون مع اسماء وشيماء
شيماء : قلقانه وفرحانه ومش عارفه اعمل اي انا متلغبطه
اسماء : تفتكرو اسامه هيجيلي ولو كان ناوي ليه اتاخر اوي كدا
نجلاء : احنا في اي ولا في اي يا بومه انتي بس بجد الله حبيت الواد ده اوي بجد
كان وليد داخل وخبط في السلم وقعت نجلاء وشالها بسرعه بصت نجلاء بصدمه ليه
وسرح هو في ملامحها فأقو علي صوت شيماء
بجد يا نجلاء عجبك نادر حبيتيه بجد
وليد : مين نادر ده
زقته بسرعه وبعدت عنه وقفلت الفون ولسه هتطلع مسك أيدها
وليد بضيق : انا مش بكلمك مين اللي اسمه نادر ده يا نجلاء ما تنطقي
اتخضت نجلاء وبصت ليه بخوف وبعدين قالت
ش شخص ه هروح ا اشوفه انت مالك
وليد بغضب : طب حتي لو كلامك ده عشان تعاندي معايا متقوليش الكلمه دي تاني تمام عشان مزعلكيش
نجلاء بعند : طب هخرج مع نادر هخرج مع نادر
اتفاجات بقلم نازل علي وشها حست بالخوف ووقفت في زاويه الأوضه وفضلت تعيط
حس وليد بغلطته بسرعه وجه عليها مسك وشها بايديه وحضنها
وليد : انا اسف انا اسف والله يا حبيبتي بس انتي استفزتيني وانا بغير عليكي وبحبك اعمل اي
اتصدمت نجلاء وضربته وطلعت جري من الشركه كلها واتصلت بابو اسماء وام شيماء وجه الكل علي بيتها
ابو اسماء : في اي يا بنتي قلقتيني عليكي جيبانا كلنا ليه
حكت نجلاء كل اللي حصل : انا انا دلوقتي مش عارفه اعمل اي ولا اتصرف ازاي حاسه اني ضعيفه قدامه وخايفه دلوقتي
ام شيماء : بتحبيه يا نجلاء باين عليكي يا بنتي هو تصرفه غلط بس ..
ابو اسماء : مش ده اللي تقصده نجلاء يا حجه في حاجه تانيه وانا مستني اسمعها
نجلاء : بصراحه انا معجبه بيك ومش هقدر اروح الشركه تاني بعد اللي عمله عشان كرمتي وفي نفس الوقت بفكر لو كان صادق في كلامه وبيحبني وعايز يتقدم هيكلم مين وانا يتيمه
ام شيماء حضنتها : يا قلب امك يا بنتي اوعي تقولي الكلام ده تاني انتي فاهمه انتي بنتي ودول اخواتك
ابو اسماء : ده اللي كنت مستنيه انا عارف تفكيرك هاتي عنوان الشركه واسمه اسال عليه ولو كلمني هتصرف اه بالمناسبه اسماء اسامه عايز يطلب ايدك وانا وافقت انتي رايك اي
اسماء بابتسامه وكسوف : اللي تشوفه حضرتك يا بابا مقدرش اكسر كلمتك ابدا
شيماء : وانا اللي تشوفه يا عمو انت وماما بردو
نجلاء : ما شاء الله يا اختي منك ليها ما صدقتو طب انا كمان اللي تشوفه يا عمو بين قوسين موافقه بس بعد موافقه حضرتك
الاب بابتسامه : ما شاء الله شكل افراحنا كترت الف مبروك يا بنات
وبعد فتره اتقدمو واتخطبو
نجلاء : بت انتي وهي اتحدد معاد حجز الكبسوله هناخدها ولا اي
اسماء : بصراحه 40 الف كتير اوي عشان نخس بس كله فدا ان نحس بنفسنا حلوين قبل الفرح
شيماء : انا معاكم بس محدش يشوف الشباب ولا يعرفهم اي حاجه هنروح ناخد الكبسوله ونكلمهم بس من غير ما يشوفونا
اتفقو البنات و وافقو كلهم ومر شهرين الشباب فيهم بيحاولو يشوفوهم وهما رافضين
اسامه بضيق : انا مش فاهم ليه رافضين يشوفونا كدا
نادر : لا وكل ما اروح بيتها ترفض تشوفني بحجه شكل تفتكرو في مشكله معاهم
وليد : مش عارف الحوار ده غريب بس متاكد انهم متفقين علينا لو اللي في دماغي ده طلع صح ومتفقين علي فساتين انا رافضها هنفخها مهما كنا فين حتي لو في الكوشه
نادر : لا يا عم اكيد مش كدا ممكن عايزين يفاجونا بشكلهم في الفرح عشان تبقا فرحتين
اسامه : اجهزو انتم بس للفرح والخبر اللي بفلوس بكرا يبقا ببلاش سلام
عدت الايام وجه يوم الفرح ونزلو البنات بالابيض واتصدم الشباب وكل الموجودين من جمالهم بعد ما خسو جدا وبقو تلت قمرات وملكات جمال جري كل واحد شال عروسته ولف بيها بفرحه ورقصو وانبسطو
وفرحهم كان في يوم واحد وكله فرح وسعاده
وقفو البنات جنب بعد قبل ما يروحو بيتهم وقالو
نجلاء : اللي بيحب بجد بيحب جمال الروح عارفين اي مشكلتنا
شيماء : عرفت مشكلتنا أننا اقتنعنا أننا بائسات ومش محبوبين عشان كدة الناس بصت لينا بنفس النضره اللي شوفنا بيها نفسنا
اسماء : وان القدر معلق بكلمه وكلامنا عن أن اللي جاي وحش خلي فعلا حياتنا اوحشت ولما شوفنا الأمل وعوض ربنا في اللي جاي ربنا رزقنا بالعوض والرضا والحب
نجلاء : حلو اوي كل احلامنا خلاص اتحققت يلا نروح مع بعض بيتنا
وليد : نعم يا اختي بعد ده كله تقوليلي اروح بيتي خدي هنا يا بت
نجلاء : ولا بقولك اي احترم نفسك وابعد عني احسنلك
قرب وليد وشالها وجري بيها وهي بتصوت علي بيتهم
ابتسم نادر وحضن شيماء وشالها ولف بيها وركبها عربيتهم ودخلو بيتهم وكانت بدايه حياتهم السعيده
أما اسامه قرب من اسماء بابتسامه
اسامه : خشي برجلك اليمين يا احلي عروسه دخلت
وقفل الباب
وعاشو كلهم بحب وسعاده
وكدا تكون خلصت قصتنا استنوني في روايه الجديده مع السلامه
لقراءة الرواية كاملة اضغط على : (رواية البائسات الثلاثة)
