رواية البائسات الثلاثة الفصل الثالث 3 بقلم نوران أحمد

رواية البائسات الثلاثة الجزء الثالث

رواية البائسات الثلاثة البارت الثالث

رواية البائسات الثلاثة الحلقة الثالثة

اسماء بغضب : انت مبتضحكش ولا دمك خفيف ابدا علي فكرة ومبحبش الأسلوب ده ولو ده اسلوبك انا ماشيه
سامح : استني هنا انتي بجد تخينه اوفر وده مينفعنيش انا محبش الست اللي زي كدة
اسماء : خلاص كل شي قسمه ونصيب شوف اللي ينفعك انت متنفعنيش
سامح : وده ليه أن شاء الله شكلي اتغير بعد السفر وبقيت لا اطاق مثلا
اسماء : فعلا بقيت سم و شوفت وشك الحقيقي عمرك ما كنت سند ولا بطمني دايما بتدخل حياتي تسال متأخر بعد ما بتعب و وارجع كويسه تقولي الف سلامه لما اقولك اليوم ده كان صعب بعدها يومين تسال يومك كان صعب ليه مش ده الشخص السند الحنين اللي بيجبر الخواطر اللي عايزاه يكون كدا وانت عمرك ما كنت اي حاجه من دول دبلتك اهي وحاجتك تيجي بكرا تاخدها ومش عايزه اعرفك تاني عمري ما شوفت واحد جايب ضيوف بيته يهزقهم فعلا التربيه بتبان في المواقف عن اذنك
باك
نجلاء : ده انتي راجل بنت راجل عفارم عليكي لو منك كنت ضربته بالشبشب علي بقه المنتن ده
شيماء : طب معتذرش منك محاولش الأمور تمشي أو أنه اي حاجه معملش اي حاجه
اسماء : كان بيتريق عليا هو وأهله وأهله فرحانين أنه ساب الفيل الي كان هيتجوزه وطلع كان مصاحب سكرتيره في الشغل عنده طلب أيدها ولبسها خاتمي ويوم فرحي هيكون يوم فرحه بس علي البنت دي مش عاليا انا وجه فعلا بس عشان ياخد الهدايا اللي كان جايبها ليا شقتي وكل حاجه حلمت بيها معاه خدتها واحده تانيه
نجلاء : عايزه اروح ارزعه علقه المهزق الزباله ده بس ده ربنا نجدها نوسه يا بنتي والله
شيماء : ده خير اكيد عوض ربنا لسه مجاش نجلاء صح انتي بقا اي حكايتك
نجلاء : محدش عايز يوظفني خالص بسبب جسمي بيتريقو وبيقولو مينفعش اكون واجهه للشركه قدمت علي كذا مكان وبردو مفيش فايده بدأت اكره نفسي هو بجد احنا وحشين اوي كدا في عيون الناس
اسماء : احنا حلوين بس الناس ليها المظاهر مش الجوهر اللي جوه ولازم نتغير
شيماء : بصو الفيديو ده علي التيك توك بنت تخينه بلعت كبسوله ومعاها دكتور متابعه معاه الكبسولة اول ما بتوصل معدتها بتتفتح وبيطلع منها جهاز بيبدا يمنعك من انك تدخلي اكل غير صحي أو غير حاجتك بيسيب الكفايه اللي محتجاها جواكي بصو بصو مع الوقت فعلا بتنزل وزنها والجهاز ده بينزل بعد وقت معين في البيبيه
اسماء : اعرفي المكان ويلا انا معاكي في الحوار ده كفايه كدا
نجلاء : انا ياست ف انا فعلا معاكم يلا هنروح أمتي
شيماء : يلا دلوقتي البسي ويلا نروح للدكتور دلوقتي
وصلو للدكتور واتفق معاهم علي المعاد وفي اليوم الموعود راحو البنات
نجلاء : انا مقتنعه جدا بشكلي بس علشانكم انتم بس موافقه احنا لازم نتغير خالص ونوري العالم ده كله جمالنا ولو عايزين نبقا حلوين هنعدي
اسماء : اهي تجربه وان شاء الله خير وحياتنا تتغير عارفين لما كنت رفيعه وجميله كان الف واحد عايز يخدمني واللي يقف ويقعدني مكانه وكدة من وقت ما تخنت وبقيت وحشه مبقتش اسمع غير إهانات ومحدش بيخدمني بيطلعوا عيني
نجلاء : سيبك منهم المرضي كترو اوي في البلد منهم لله المهم كل واحده تبدأ تفكر ازاي تصلح حياتها مش عايزه اشوفكم غير ناجحين انسو حياه البائسات دي
ابتسمو البنات بأمل
عدت الايام
وجه اتصال لنجلاء
سيد : السلام عليكم حضرتك الانسه نجلاء حضرتك قدمتي ورقك في الشركه بتاعتنا واتقبلتي هتبدئي من بكرا أن شاء الله هتستلمي الشغل ولا لا
نجلاء وهي بتتنطط من الفرحه : تمام تمام جدا طبعا هستلم شكرا جدا ليكم الصبح بدري هكون قدام الشركه مع السلامه
واتصلت بالبنات
نجلاء : مش هتصدقو في شركه قبلت بيا عشان الكفائه مش الشكل يا نقصات عقل انتي وهي دي شكلها كدا بدأت تزقزق يا بنات
شيماء : الف مبروك يا قلبي شكلها كدا يا بت اصل انا عندي خبر ليكم حلو في دكتور في الجامعه شرحت ليه حالتي يعني اني كنت مريضه في ايام الامتحانات واني الاولي علي الدفعه وهيكلم العميد عشاني وممكن اتعين في الجامعه ياااااااااي مش مصدقه ان حلمي بجد ممكن يبقا حقيقه حرفيا عوض ربنا جميل اوي سبحان الله
اسماء : جميل اخبار حلوه علي الكل يا بائسات انا لازم اقفل دلوقتي عشان بابا عايز مني شويه ملفات ضروريه في الشغل هروح اوديها في السريع واجي ربنا يوفقكم ويسعدكم سلام
طلعت اسماء من بيتها وقدام شركه باباها خبطت في واحد كان معاه شنطه فلوس كتير وقعت علي الارض
الشاب : انا اسف جدا ده ورق حضرتك دقيقه اجمعه ليكي بعتذر ليكي
اسماء : اه تمام شكرا عن اذن حضرتك وابقا خد بالك
ركبت الاسانسير وقفه الشاب بسرعه قبل ما يطلع ووقف جنبها
الشاب : هو حضرتك يا انسه شغاله هنا اصل اول مره اشوفك هنا مقدمه علي شغل ولا اي
اسماء بضيق : لا ومليش في الجو ده وبعدها طب اسمك اي طب نتعرف انسي وفكك مني مفيش حاجه عندي تعرف تستغلها
الشاب : اهدي اهدي يا انسه انا ..
وقف الاسانسير فجاه خافت جدا اسماء ولاحظ الشاب ده وقال : انا اسمي اسامه ممكن ندردش سوا لحد ما الاسانسير يطلع ومش عشان اشقطك ولا استغلك دماغك متودكيش بعيد
اسماء : تتكلم معايا انا ومن غير مصلحه وده ليه أن شاء الله انت دماغك كويسه مش تعبان
اسامه : اي المشكله مش فاهم انتي مش واثقه في نفسك خالص كدة ليه
اسماء : يعني عادتا اي ولد بيحب يوم ما يفكر يضيع وقته يضيعه مع بنت حلوه تستاهل وانا واثقه في نفسي علي فكره
اسامه : انتي شايفه نفسك مش حلوه لو شايفه كدا دي قصه تانيه لكن بالنسبه ليا احم شايفك حلوه اوي اي الحاجات اللي بتحبيها
اسماء بكسوف : شكرا جدا لذوقك بحب الغنا وبغني احيانا بعزف
اسامه : ممكن تسمعيني صوتك لو مش هضايقك يعني ونضيع وقت
اسماء : مودي وحش تحب تكتأب معايا هغنيلك كل الحزن اهرب احسنلك
اسامه : لو معاكي معنديش مشكله اي حاجه منك هتكون حلوه بس قولي
بدأت اسماء تغني بصوت حلو اوي ودموعها بتنزل وهي بتغني اغنيه شايفة الناس من ورا نضارتى
اسامه : صوتك تحفه بجد بس نظرتك للعالم غريبه شويه اه الناس بتحكم بالظاهر وبتجرح كتير بس انا شايف انها ميزه بعيدا عن انك معاكي حسنات كتيره الناس الكويسه بس هي اللي هتقدر تشوف النور الجميل اللي جواكي انا مثلا شايف كل اللي حواليا قلوبهم سوده ونفاق أما انتي شايفك ملاك جميل اوي وشكلي كدا معجب بيكي
اتكسفت اسماء جدا واول ما الباب اتفتح جريت من قدامه بسرعه وهو فضل يضحك وفضل ماشي وراها لحد ما وصلت لباباها
اسماء بكسوف : بابا الشخص ده بيمشي ورايا من بدري وشكله قليل الادب وو