رواية اختيار الحب الفصل الثاني 2 بقلم نور رأفت

رواية اختيار الحب الجزء الثاني

رواية اختيار الحب البارت الثاني

رواية اختيار الحب الحلقة الثانية

خلصت و طلعت فوق السطح بتاع البيت لقيته قاعد بيشري سجاير و مندمج مع السما ، اول ما حس بوجودها طفى السيجاره و اتعدل
(مروان ) =كنت عارف انك هتيجي هنا كالعاده
(لينا )مش ناوي تبطل سجاير يا مروان
(مروان )=هبطلها في يوم هبطلها خالص
(لينا )امتا لما تموتك
(مروان )لا لما احس ان فيه حاجه اهم منها ، المهم جبتلك حاجه ونسيت اديهالك بسبب لماضتك الصبح
(لينا )الله جبتلي عريس
(مروان )متفكريش في الحجات دي انتي لسا صغيره بعدين مين هيرضي يتجوزك يا بتاعت المشاكل يا شبر و نص
(لينا) _اولا أنا كبيره الفرق بيني و بينك خمس سنين ثانيا الف مين يتمني يتجوزوني دا بفكر اوافقك علي العريس بتاع المرادي
(مروان)اكيد لا انتي لسا صغيره
(لينا)انا في سنه خامسه
(مروان)دا مش مبرر لسا صغيره برضو
(لينا)بطل كلام فين الحاجه اللي جايبهالي
حط أيده في جيبه و طلع توكه صغننه لونها بينك حطها في شعرها
(لينا)ايه دا الله دي جميله خالص
(مروان) اول ما شفتها جيتي في دماغي علي طول فجبتهالك
(لينا) حبيتها قوي
(مروان)عقبالنا
(لينا)ايه !
(مروان)بقول عشان أنا اللي جايبها
(لينا)نينينينيني
ابتسم و رجع يتكئ علي الكرسي ويبص للسما زي ما هي عملت
(لينا) السما حلوه
بص عليها بطرف عينه و تمتم “حلوه قوي ”
ضربته علي ايده مره واحده وقالت وهي بتتعدل بسرعه”حفله التخرج اتحددت خلاص فاضل تكه و هسافر ”
بصلها بخضه من رده فعلها اللي مش وقتها و قال بضيق “رجعنا للسيره الزفت دي تاني ”
(لينا)مش ناوي تساعدني اقنع ماما
(مروان)أنا مش مقتنع أصلاً
(لينا)ليه يا مارو دي فرصه حلوه هروح عند خالتي
(مروان) هتروحي تسكني عند طنط زيزي و نسيتي شريف و عمر اولادها يا روح خالتك مستحيل أوافق
(لينا)دول زي اخواتي
(مروان)بس مش اخواتك
(لينا)طيب انا بجد عاوزه اروح اخد المنحه بتاعت الثلاث شهور دي
(مروان)خدي اللي انتي عاوزاه بس بعيد عن شريف
(لينا) ليه كدا دا شيفو حلو خالص
(مروان) بس طيب بدل ما اللوش في وشك بس بلا شيفو
(لينا)بص رجعت لأسلوبك السوقي في الكلام
(مروان) طيب يا ست عزيزه هتيجي بكرا
بصت بغباء و قالت
(لينا) بكرا فيه ايه
(مروان)ماتش البوكسينج بكرا الساعه ٥
(لينا) انت عارف ان انكل رفض انك تلعب اللعبه دي ولو عرف انك دخلت البطوله منغير ما تقلوا هيتخانق معاك
(مروان)مش هيعرف أن شاء الله
(لينا)يا مروان خليك في كاريرك و الشركه وسيبك من البوكسينج دا ، ثم اصلا عندي محاضرات لحد ١٠ باليل مش فاضيه
بصلها بصه طويله وقال بصوت هادئ” انتي بتقولي كدا عشان مش عاوزاني العب ولا دا كلام بابا ”
(لينا)عشان خايفه عليك يا مروان انت شايف اللعبه خطيره و ضرب و انا مش حمل خساره حد تاني
بعد وشه عنها و رجع بص للسما بسكوت و ملامح الحزن ملت وشة
(لينا) متحملش نفسك زياده عن طاقتك يا مروان انت مغلطتش في حاجه ولا حد كان ليه ايد في الموضوع في الاول و الاخر اللي انت عاوزه أنا هشجعك عليه عشان دا دور العيله أنها تقف معاك في اي حاجه بس دا مش راي العليه كلها زي ما انت عارفه ، تصبح علي خير
طبطبت علي كتفه و سابته و نزلت لتحت
في الأثناء دي كان مروان مشتت ومش عارف يعمل ايه ، طلع موبايله و بص علي صوره الخليفه كانت ليه هو وواحد واقف جنبه اكبر منو في السن بسنين معدوده
اتنهد بتعب و قفل تليفونه و نزل لتحت ينام
تاني يوم الصبح علي الفطار نزلت لينا ملقيتش حد غير جاد
(لينا)صباح الخير يا جيجو
(جاد) صباح النور يا عيون جيجو
(لينا)امال فين ماما و بابا و مروان و الباقيين
قطم من الخياره اللي في أيده و قال بلا مبالاة “كل واحد راح ع شغله ”
(لينا)أنا هتاخر النهارده عندي امتحان ميد و محاضرات كتير أنا ماشيه باي
طلعت علي الجامعه بسرعه لقيت فاتن صديقتها واقفه عند بابا المدرج
(لينا)صباح الخير يا فوفو
_صباح الزفت علي دماغك
(لينا)ايه الحب دا ع الصبح
_اتاخرنا علي المحاضره
(لينا)لا يعم المحاضره الساعه ٩ النهردا
_الدكتور مكنش عارف انها اتقدمت ساعه فا مرضيش يدخل حد بعد الساعه ٨
(لينا)ربنا معاه بقي تعالي نفطر
_ اسلم حل قبل الامتحان توكلنا علي الله
مشيو البنات علي الكافيتريا ياكلوا و يهزروا لحد ما جه ميعاد الامتحان
كانت لينا طول اليوم قلقانه علي مروان مشاكل زي ما بتسيمه من الماتش النهارده و أبوه لو عرف
معرفتش تركز كويس في الامتحان وطول اليوم مشتته بشكل ملحوظ
كانت متابع الساعه باهتمام شديد ومش واخده بالها من المحاضره
اول ما دقت الساعه ٥ المغرب وقفت مره واحده وسط المدرج كلو بصلها و الدكتوره وقفت شرح ب استفهام
(لينا)بعد اذن حضرتك يا دكتور سميحه أنا احم أنا محتاجه امشي دلوقتي عشان عندي حاجه لازم الحقها
بصتلها الدكتور بتعجب هي عمرها ما عملت التصرفات العبيطه دي بس سمحتلها تخرج و الثانيه خدت بعضها و أقرب تاكسي وقفته
(لينا)نادي البوكسينج المقطم بسرعه
كانت طول الطريق قلقانه لحد ما وصلت للنادي من برا علي الساعه ٥ ونص
اول ما شافها الأمن سلم عليها و دخلها وهي جريت بسرعه علي اوضه التغيير فتحت الباب فتحه مخبرين و دخلت فجأه لقيت مروان قاعد و قدامه بنت بتتكلم اسباني و خلاص هيدخل الحلبه
اول ما شافها ضحك علي منظرها المتبهدل و هي جايه تنهت
قربت منه و اتكلمت بعصبيه و هي بتخبط علي صدره ب صباعها
(لينا)دا مش معناه اني مواقفه علي الهبل دا ولا اني حابه اللي بتنيله بس دا ميمنعش اني مينفعش اسيبك وحدك يعني
ضحك و بأس رأسها بسرعه وهو بيسمع اسمه بيتنادي
(مروان) شكرا ليوني
(لينا)فوز ها
ضحك و شاورلها و هي طلعت علي الصاله كبار الزوار عشان تستناه
ــــــــــــــــــــــــــ