رواية اجهاض حب الفصل التاسع 9 بقلم مروة موسى

رواية اجهاض حب الجزء التاسع

رواية اجهاض حب البارت التاسع

رواية اجهاض حب الحلقة التاسعة

• اجهاض حب 2
• البارت التاني :
• روح ادهم البيت لقى نوال قاعده
• ادهم : مساء الخير ي وش الخير
• نوال: مساء الفل ي حبيبي طمني عليك عملت اي
• ادهم : روحت لعمي حلمي و اديته التاكسي بتاعه
• واتفقت مع عربيه هتيجي الصبح تاخدنا بهدومنا و حاجتنا
• نوال : بس انا مش عايزه ارجع المنطقه تاني
• ادهم : ليه بس هي مش دي المنطقه اللي كنتي بتقفلي اوضتك عليكي و بتعيطي عشان هنطلع منها
• نوال : انا كنت بعيط عشان هنبيع بيتنا ومش عايزه اعدي من قدام البيت و اتحسر على نفسي و على ابوك اللي وحشني اوي و بقالي كتير مزورتهوش
• ادهم : طاب اي طيب ما احنا رايحيين القاهره اهوه و المقابر جنبنا نروحوا نزوره
• نوال : طيب انا هجهز لك حاجتك
• ادهم : لا انتي جهزي حاجتك و المهم ف حجات المطبخ و انا هاخد حاجتي اللي هنا
• دخل ادهم لاوضة نومه و فتح الدولاب لم حاجته و هدومه و فتح دولاب نور و لاول مره يطلع الشنطه بتاعتها و فتح الشنطه لقى فيها اوراق لنور ولقى جواب فتحه و لقاه مكتوب بخط ايديها وقراء ادهم المكتوب
• (الى من اهدا لجسدي روحه الى زوجي العزيز)
• معنى انك بتقراء الجواب ده ان انا موت ومتستغربش دا مش جديد عليك ي ادهم لانك عادتك مش بدور في حاجتي عشان كده شلته هنا .. انا كتبت الجواب دا اول ما جينا هنا اسكندريه عشان عارفه ان عمي وولاده مش هيسيبونا ف حالنا بابا ساب لهم البلد و الجمل بما حمل زمان عشان يبعد عن شرهم .. المهم انا عارفه انت بتحبني قد اي و انا و الله ف حياتي ما عرفت الحب غير معاك و على ايدك .. عيش حياتك ي ادهم عيش و متبصش وراك و اتجوز وافرح و خلف وفرح ماممتك و هات لها احفاد “فاكر لما طلبت ايدي قولت لي ماما عايزه احفاد” بس لما تخلف بنوته سميها على اسمي ..
• وعلى فكره انا كتبت ارضي في الصعيد ب اسمك و كلمت المحامي بتاع بابا يمشي لك في اوراق نقل الملكيه و الحيازه الكارت بتاعه عندك في الملف … بحبك )
• ادهم كان بيقرا في الجواب و عيونه نازله دموع هستيريه مفقش من اللي هو فيه غير لما نوال ندهت عليه عشان العشاء خرج ادهم من الاوضه وراح الحمام و غسل وشه ورجع قعد مع مامته
• (نوال كان التعب زايد عليها و عايزه تقول لادهم على تعباها و في نفس الوقت الدكتور قايل لها ان الكانسر عندها في مراحل متاخره و مش هيلحق يعملوا حاجه خاصه ان سنها كبير )
• نوال : كل ي حبيبي انت اخر فتره خاسس و متبهدل بقيت جلد على عضم شاطر بس كل يوم تيجي كلك عرق و تقول كنت في الجيم بتروحه تعمل اي مبقاش في جسمك حاجه عشان تخسها
• ادهم : ومين قالك ي حبيبتي انا بخسس انا بروح اتمرن
• نوال : ومالو يا حبيبي انا كنت مبسوطه اهي حاجه بتفرغ طاقتك فيها
• ادهم : اقولك حاجه كمان انا كنت بتعلم ضرب النار
• نوال : معقول ! دا انت ابوك زهق معاك عشان يقدم لك في الجيش وكنت بتخاف من السلاح و تبعد
• ادهم : لا دلوقت بقيت غير
• نوال : اتمنى تكون بتعمل كدا عشان نفسك مش عشان اللي ف دماغك يا حبيبي انت لسه يدوب ٢٧ سنه و لسه في شبابك
• ادهم : متقلقيش ي امي ان شاء الله خير يلا ننام عشان هنمشي بدري
• على جانب اخر في الصعيد
• بعد ما اتحبس شرف و اولاده و اتحكم على رضوان بالاعدام و اخواته اللي عونوه مؤبد و مفضلش من ولاده برا غير راضي و بنته الوحيده نسمة
• راضي كان الوحيد ف اخواته اللي كمل تعليم و الوحيد فيهم اللي يعرف ربنا شويه و كان في حاله
• قمر كانت لسه ١٩ سنه و اول سنه ليها في الكليه وكانت طيبه اوي و ف حالها
• راضي : قمر تعالي عايزك
• قمر : نعم
• راضي : عامله اي في كليتك
• قمر : الحمدلله ماشي الحال
• راضي : لو مش مرتاحه انقلك انا عارف انتي كان حلمك تخشي صيدله بس اللي حصل مع ابونا واخواتنا دمرك
• قمر : الحمدلله تجاره مش وحشه برضو و انا هسعى و اعمل اللي عليا ومنكرش ان اللي حصل ل ابويا زعلني انا مزعلتش على رضوان لانه يستاهل حد يقتل بنت عمه و كمان جاله قلب ازاي يضيع فرحة عريس و عروسه لسه جداد اللي يكون في عون جوزها هو كان اسمه اي ي راضي
• راضي : جوز نور بنت عمك اسمه ادهم
• قمر : شكله كان بيحبها اوي
• راضي : هو اصلا شكله ابن حلال و ينت عمك طيبه
• قمر بحزن : كانت طيبه انا زعلانه عشان ماتت قبل ما اشوفها يوم عزا عمي انا مكنتش هنا و محضرتش حاجه بس من حكاوي مراات رضوان عنهم عرفت
• راضي : ملقتيش غير سيرة مرات رضوان ما تفكينا من السيرة العكره دي
• قمر : ليه بس عملت اي
• راضي : انتي مش عايشه في الدنيا ي بنتي
• قمر : ليه ف اي حصل
• راضي : يا بنتي دي خلعت رضوان اخوكي و اطلقت رسمي
• قمر : يانهار ابيض دا بجد
• راضي : مش هي لوحدها نساويين اخواتك لعبة في دماغهم و عملوا زيها
• قمر : و انا اللي مفكره البيت فضى علينا عشان هما مش متحملين فراقهم طلعوا رفعين قواضي .. اخواتك عرفو !
• راضي : انا عرفت ابوكي و عرفتهم ابوكي قالي انهم هيورثوه بالحياء ولاد الجزم هو كدا كدا كتب الارض باسمك
• قمر : باسمي انا !! دا بجد ؟
• راضي : ايوا يا بنتي هو انتي مش عايشه
• قمر : انا عارفه ان بابا كان بيخوف رضوان و اخواتي بكدا لكن معرفش انه نقل الارض باسمي
• راضي : لا دا بجد و ابوكي نقلهم و سجلهم ب اسمك محدش يعرف كدا غير انا و ابوكي وعمك سلمان
• قمر : اه فهمت و انا اقول عمك سلمان بيعاملني حلو ليه بقاله فتره
• راضي : ماهو دا اللي انا عايز اكلمك فيه
• قمر : اي دا تكلمني على اي ؟
• راضي : جابر ابن عمك سلمان عايزك
• قمر : جابر اي انت بتكلم جد
• راضي : و الموضيع دي فيها هزار
• قمر : بس انا لا عايزاه و لا بقبله و انت عارف كدا و بعدين لا جابر و لا عمك سلمان بيحبونا اصلا
• راضي : ليه بس كدا يمكن كان زمان حاجه و دلوقت حاجه
• قمر : واي اتغير يعني
• راضي : يمكن كان معاملتهم و حشه عشان رضوان و ابوكي شرف مكنوش يبطلوا معاهم مشاكل و اتغيرت دلوقت عشان مش موجودين
• قمر بتفكير عميق .. : او يمكن عشان عرفوا ان ابوك كاتب الارض ب اسمي زي ما انت قولت
• راضي بتفكير .. … : تصدقي فعلا هي شكلها كدا
• راضي : طيب لو معاملتهم اتغيرت معاكي عشان الارض باسمك .. معاملتهم تتغير معايا انا ليه !
• قمر : يا ابني افهم مشكلتك انك طيب و على نياتك اوي .. لازم يعملوك كويس عشان لما يجي يطلب ايدي منك توافق
• راضي : اه فهمتك طيب العمل
• قمر : راضي بعيدا عن اي حاجه انا لا يمكن اتجوز جابر دا او يتقفل علينا باب انا عمري ما انسى عمايله جابر دا العن من رضوان اخويا بمراحل و نهايته هتبقى زيه
• على جانب اخر
• سلمان : كنت فين امبارح
• جابر : كنت نايم ي ابوي فوق
• سلمان : نايم اه نايم و داخل الدوار بعد اذن الفجر اكيد كنت سهران مع واحده من الزباله اللي تعرفهم
• جابر : طيب طالما انت عارف بتسال ليه ي ابوي
• سلمان : انا اللي دلعتك و عملت كدا في روحي ..قصره
• جابر : خير
• سلمان : كلمت ولد عمك
• جابر : اه كلمته
• سلمان : و قالك هيرد عليك امتى
• جابر : قالي هيشور و يعرفني
• سلمان :يشور على مين و لد المركوب هو كمان
• جابر : اكيد يقصد ابوه واخواته
• سلمان : يمكن قصده اخته حاكم التعليم خيبه
• جابر : كسر منخاره هو واخته غصب عنه هيقبل وراسه تحت رجله
• سلمان : والله و هيجي اليوم اللي هذلك فيه يا شرف انت و عيالك
• جابر : هيحصل و هفكرك
• سلمان المهم : حاول تقرب من بنت عمك و تخطف قلبها
• جابر : حاولت لكن دماغها صرمه قديمه
• …
• على جانب اخر
• نوال استنى نفطر الاول
• ادهم : طيب يلا نفطر عشان السواق على وصول
• بعد الفطار ..
• ادهم :يلا ي ماما العربيه جت
• نوال: يلا ي احبيبي
• ادهم : استني اطلبي الاسانسير و انا هطلع الشنط نحطهم و ننزل
• ونزل ادهم و مامتهم وركبوا العربيه و اتحركوا ..
• بعد ساعات .. وصل ادهم و مامته القاهره
• ووصلوا لحارتهم ..
• دخل ادهم للبيت بتاع عم محمود و الد نور
• طلع المفتاح و فتح البيت و دخل هو و نوال
• نوال : البيت اتملى تراب كدا ازاي دا هياخد شغل كتير اوي
• ادهم : متتعبيش نفسك هشوف حد يجي ينضفه بس نرتاح الاول
• نوال : نرتاح اي انا عايزه اروح ازور ابوك
• ادهم : طيب استني هرن على حد يبعت لنا واحده او اتنين تنضف البيت
• اتصل ادهم بناس كان يعرفهم قبل ما يعزلوا و سابهم ينضفوا البيت و الشقه ونزل هو و مامته للمقابر و بعد لحظات و صلوا للمقابر
• ادهم قراء الفاتحه على روح والده ووالدته قرت معاه
• نوال : سيبني انا و ابوك شويه
• ادهم : احكي احكي سيرك ف بير محدش غريب
• نوال : بطل رخامه و سيبني
• ادهم : حاضر و مشي ع جمب
• نوال فضلت تبكي : و حشتني اوي يا حبيبي .. ابن طالع عنيد وماغه ناشفه زيك بلظبط .. انا تعبت معاه افهم فيه و هو اللي ف دماغه في دماغه .. لحد دلوقتي مخبيه عنه اني تعبانه و عندي كانسر الدكتور اخر مره رحت له قال لي ان الحاله ما يؤس منها جدا وما فيش امل انا لحد دلوقتي مخبيه على ادهم مش راضيه اقول له حاجه لان لو اعرف انت عارف هو هيعمل ايه حاسه ان احنا لقانا قرب اوي و ان احنا قريب قوي هنلتقي وفضلت تبكي
• ادهم : يلا بقى يا حجه احنا هنقضيها طول النهار سهاري ولا ايه
• نوال : حاضر حاضر يا حبيبي يلا بينا
• اتحرك ادهم و مامتوا و راجعوا للبيت
• ادهم دخل اوضة نور عشان يرتاح و افتكر كلامها انها سايبه له رقم المحامي طلع ادهم الكارات و اتصل
• ادهم : السلام عليكم ..
• المحامي : وعليكم السلام مين حضرتك
• ادهم عرفه بنفسه
• المحامي : اهلا و سهلا اخبار حضرتك اي و البقيه في حياتك
• ادهم : ونعم بالله
• المحامي : ااومرني ي غالي
• ادهم : طبعا نور كتبت الارض باسمي
• المحامي : حصل فعلا و نقل الملكيه وكافة الاوراق و من غير ما تكتب حاجه كده كده انت العريس الوحيد ليها فكل الحاجات اللي فاتتها تركه او كده كل الحاجات دي المفروض انها باسمك يعني بس هي كتبتها باسم و ده كله وفرت بيه علينا حاجات كثير اوي كده
• ادهم : انا دلوقتي استلم الارض ازاي المفروض انها تحت ايد عمها وعمها محبوس بس ابن عمها اللي موجود انا عايز استلم الارض المفروض نرفع دعوه ايه ولا نعمل ايه
• المحامي : ما تقلقش ما تقلقش احنا مش هنحتاج نرفع دعوه اي حاجه خالص ان احنا كنا رافعين دعوه قبل كده لعمك محمود ورفعتها بعد منه لبنته نور واخدين احكام بيها وانت بصفتك الوريث الشرعي ليها فبالتالي نفس الاحكام موجوده و هننفذ الاحكام دي بس مش اكثر
• ادهم : افهم من كده اني لو رحت ونزلت الارض وكده موقفي القانوني سليم ما فيش اي مشاكل عليا خالص
• المحامي : لا مش هيبقى في اي مشاكل بس انت بس اصبر عليا 20 يوم كده واظبط لك الدنيا بتاعتك واحكامك والدنيا دي كلها ونتوكل على الله
• ادهم : خلاص على بركة الله
• على جانب اخر
• سلمان : يا جابر راضي ابن عمك قال لك ايه رد عليك في الموضوع ولا لا
• جابر : لا يابوي لسه مردش
• سلمان : طيب روح له الدوار و شوفه و لا اقولك استنى انا جاي معاك
• جابر : يلا بينا
• وصل سلمان و جابر عند بيت راضي
• سلمان : ياسلام على الدنيا اهو الدوار دا ايام شرف كان برا غفر ماليين الدنيا دلوقتي ولا جنس مخلوق ع الباب
• جابر : انا وانت و كله عارف ان شرف كان جايبهم عشان يحرسوا بيته و يامنوه عشان يغطي على شغله المشبوه
• سلمان دخل و خبط على الباب
• راضي فتح : اهلا و سهلا يا عمي اتفضلوا
• سلمان دخل و قعد : عامل اي يا راضي
• راضي : الحمدلله ياعمي انت عامل اي
• سلمان : تمام ابوك عامل اي
• راضي : الحمدلله
• سلمان باستفزاز : الحمدلله هانت كلها ١٤ سنه و يطلع
• جابر غمز له و اتكلم : ها يا ابن عمي عملت اي مع عروستنا قلت لي انتظر ردي وما ردتش عليه لحد دلوقتي طمني
• راضي : والله يا جابر انا سالتها وكده وهي عايزه تكمل تعليمها يعني وخلينا اهله واصحاب واخوات هي قالت انها شايفاك اخوها
• سلمان : اخوات اي و تعليم اي و من امتى حدانا بنات بتتعلم و من امتى بنشور بنات
• راضي : ياعمي الدنيا اتغيرت مبقتش زي الاول
• سلمان : دنيا اي اللي اتغيرت يا ولد كل حاجه زي ما هي واضح ان التعليم غيرك وخرب لك نفوخك
• راضي : لا حول ولا قوة الا بالله
• جابر بغضب : قصره اي دا يا واد عمي
• راضي : زي ما قولت لك كدا
• جابر : لا بص بقى الكلام دا هعتبر نفسي مسمعتوش
• سلمان : و لا انا هعتبرنا جينا هنا راجع نفسك و ظبط امورك و بلغنا هنعملوا الفرح امتى تمام
• راضي : ياعمي ..ادخل جابر بحده وقاله : الموضوع انتهى و عشان تبقى عارف اختك محدش هياخدها غيري ولا هتتجوز غيري ولا طالعه من البيت غير بامري وانا قدرتك من الاول بس واضح انك مينفعش معاك تقدير و حلال فيك اللي كان بيعمله رضوان فيك و سهله انت وقعت مع اللي اسود منه واختك هاخدها ولو على موتك