رواية حلم الريما الفصل الثاني 2 بقلم تاما
 |
| رواية حلم الريما الفصل الثاني 2 بقلم تاما |
رواية حلم الريما الفصل الثاني 2 بقلم تاما
=ياله يا حبيبتي تعالي معايا علشان مينفعش تعيشي لوحدك
_لوحدي ايه ماما جايه وهتقعد معايا
=ياله طيب وانا هقولها تيجي تاخدك من البيت عندي
_لا يا عمتو انا هستناها هنا
=ياحبيبتي مينفعش تقعدي لوحدك
_قولتلكو سيبووووني بقاااا
=خلاص يا ريماس هسيبك اليومين دول تهدي وبعد كده هتقعدي معايا
-سيبيني يا عمتو طيب
*نزلت تاني يوم الجامعه وشوفت شغل في كافيه بعد الجامعه بس كنت برجع البيت متأخر *
..شوفي البت من ساعه ما امها ماتت وهي دايرة علي حل شعرها
.اه شوفي بقا اشتغلت ايه ولا ايه ربنا يستر علي بناتنا
*كنت طالعه علي السلم والجيران بيلقحو عليا انا خلاص بمتحن في اخر سنه وقررت اسيب الشغل الشهر ده علشان اركز في دراستي انا كده كده معايا فلوس تعيشني الشهر ده *
_انا خايفه من النتيجه اوووي يا زينه
=يابنتي متقلقيش إن شاء الله خير احنا اجتهادنا زياده
-عندك حق ده انا مكنتش بعرف انام بسبب المذاكره
=طب تعالي ندخل وال يجيبه ربنا حلو
-ايه ده اناااا انا نجحت يا زينه انا جبت امتياز
=وانا كمان مش قولتلك ربنا عالم بينا
فضلنا نحضن بعض وبعديها روحنا خرجنا واتمشينا علي بحر العجمي علشان بحبه وبيفكرني ب بابا وماما
اول مرجعا البيت لقيت جارتي واقفه قدام شقتي وبتقول
..انا مرضتش اخد هدومك واقولك براا البيت انا استنينتك تلمي حجتك بنفسك
-حاجة مين يا طنت هو في ايه
..في انك ماشيه علي حل شعرك وبترجعي نص الليل بليل وسمعة العمارة بقت في الأرض
-يا طنت طب اروح فين انا مش معايا فلوس
..لا منا جبت مشتري للشقه وهو هيشتريها بمبلغ خسارة فيكي بس علشان منظلمكيش
*بعت للمشتري الشقه وهما كانو مجهزين كل الورق *
سافرت الفجر القاهرة بشنطة هدومي وبفلوس الشقه ودورت علي شقه واجرتها
دق دق
مين
=هو انتي جارتنا الجديده صح
ست في عمر الثلاثينات يبدو علي ملامحها الرضا
_ايوا انا
=نورتي العمارة يا قمر
-ده بنور حضرتك
=لا حضرتك ايه انا مش كبيرة اووي كده انا اسمي ياسمين
-وانا ريما
=اتشرفت بيكي يا حبيبتي لو عايزه اي حاجه انا الشقه ال تحت اي حاجه تحتاجيها تقوليلي
-ان شاء الله
=ياله هنزل بقا علشان ابني لو سبته اكتر من كده هيولع في الشقه
-ماشي يا حبيبتي سلام
قفلت الباب وانا عندي راحة نفسية رهيييبه
دخلت نمت لحد المغرب ولقيت الباب بيخبط
=انا قولت اكيد انتي نمتي من تعب السفر قولت اجبلك غدا النهاردة
– انا فعلا نمت ربنا يخليكي تعبتي نفسك
=ولا تعب ولا حاجه اتفضلي وانا هنزل بقا
نزلت وانا ارتحت اكتر واكتر من الست الطيبه القمر ديه
نزلت تاني يوم ادور علي شغل لكن مافيش مع أن معايا شهادة ولغات يعني اي شركة تتمني كده
(بعد مرور أسبوعين وبرضو مفيش شغل )
=انا بشوفك كل يوم بتنزلي هو انتي اشتغلتي
-لا انا كل يوم بدور علي شغل بس مش لاقيه
=طب انتي معاكي شهادة ايه وايه ال جابك هنا لوحدك هو انتي ينفع تحكيلي حكايتك
فضلت اقولها علي كل حاجه وقد ايه اتعذبت من بعد ماما وبابا
=طب بصي انا زوج اختي بيشتغل في شركة طيران ممكن اشوفلك شغل معاه
-هعمل ايه في شركة الطيران بس
=هقوله يشوفلك موضوع الضيافة الجوية ده حلم كل بنت
-حلم كل بنت بس معتقدش اني هنجح فيه
=جربي بس وابقي تحكمي
-طيب تمم شوفيه انتي وردي عليا
=ماشي يا حبيبتي خلي بالك من نفسك بقا
-تسلميلي
*اكيد هتسألو عن زينه وكده انا هوضح عدم ظهورها في البارت الجاي*
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير
