رواية جراح لا تنسى الفصل الخامس 5 بقلم أماني السيد

رواية جراح لا تنسى الجزء الخامس

رواية جراح لا تنسى البارت الخامس

رواية جراح لا تنسى الحلقة الخامسة

اليوم تأكدت ان قلبك ابدا لم ينسانى حتى لو انت لا تعلم يكفيني ان قلبك مازال ملكى سيعود لى لانه من الأساس لى سوف أزيح عنه اى اوهام انه وقع في حب غيرى ساثبت لعلقك ان قلبك ملكى ملكى انا فقط ولن يكون لغيرى
خرجت منتهى من عند عرفات ودقات قلبها هتخرج منها
ايه اللي انا عاملته ده هيقول عليه ايه ولا هيفتكرنى ايه هو مايعرفش إن انا مراته اصلا يالهوى يالهوى لأ لأ لازم اخد بالى بعد كده قلبى ماله فى ايه اهدى اهدى ايوه شوفت نظرته زهران ليه قلبه فاكرنى فاكرنى
عرفات: ايه اللى انت هببته ده مالك سايح كده هو ده هو ده كلامك لنفسك معاها بتنسى كل حاجه وهى كمان انا كنت سامع دقات قلبها يا ترا حكايتك ايه يا منتهى هل عندك نفس احساسى ومشاعرى
مر فتره قصيره من الزمن وكانت منتهى مندمجه في عملها واثناء عملها دلفت اليها هاله و وقفت تراقبها من قرب رفعت منتهى راسها من العمل وتفاجأت بوجود هاله
منتهى بخضه : مدام هاله أهلا بحضرتك محتاجه حاجه
هاله: لا ابدا بس لقيتك مندمجه اوى فى الشغل مرضيتش اعطلك
منتهى : لا ابدا عرفات بيه جوه اتفضلى تقدرى تتفضلى تدخلى
هاله: تمام بس كنت عايزه اتعرف عليكى جيت المره اللى فاتت من غير مانتكلم
منتهى استغربت جدا طريقه كلامها وانها بتحاول تقرب منها بس قررت تجاريها
عمرى ابدا ماهعترف بوجودك فى حياته استغليتى وحدته وقربتى منه والان ماذا تريدين ايتها الحرباء الملونه
منتهى : انا مدام منتهى السكرتيرة لعرفات بيه
هاله : عندك اولاد
منتهى : اه ابنى احمد عنده ٧ سنين
هاله : كنتى بتشتغلى قبل كده ولا دى أول مره
منتهى : لا بشتغل فى شركة (…) بقالى خمس سنين
هاله : وسبتيها ليه
منتهى : لقيت هنا للمرتب افضل وبما ان الشركه هنا جديده فانا ممكن بسهوله اثبت نفسى فيها وغير كده المرتب هنا تقريباً ضعف مرتبى
هاله: عجبنى طموحك اوى يا منتهى
تقولك على سر عرفات جوزى فاقد للزاكره وفى ناس كتير بتحاول تستغل ده وتفبرك صور وورق عشان يقولوا انه يقربلهم
منتهى : وهما عرفوا منين قصص وروايات أمانى سيد
هاله : أى شخصية ناجحه في اللى بيدور وراها انا قلتلك كده عشان ارتحتلك وعشان عايزاكى تساعديني
منتهى : اتفضلي اقدر اساعدك ازاى
هاله: لو حد مثلا جه يقول انه قريب عرفات بيه او عايز يقابله لازم تعرفينى فى وقتها
منتهى : طيب هو عرفات بيه ممكن يصدق اى حد
هاله : عرفات نفسه يعرف ماضية وهيصدق اى حاجه ممكن حد يقولها وهيمشى ورا قلبه انما انا بحكم عقلى ولو فعلا طلع ليه أهل انا اول واحده هرحب بيهم
منتهى : اكيد طبعا حضرتك مراته وخايفه عليه عشان كده انا هساعدك واقف جمبك ماتقلقيش اى حد هيحاول يقرب منه هبلغك فورا
هاله : واكيد انا مش هنسالك خدمتك ليا وهاكلك الشهد
اه يابنت ال… خدمتى ليكى فكرانى شغاله عندك متعرفيش ان انا ليا حق فيه اكتر منك بس خلينى وراكى لحد لما اعرف اخرك
منتهى : شوفى كل اللى عايزاه وانا هعملهولك
هاله: انا برضه قلت كده انك طموحه ومتعاونه وبتخافى على شغلك
هدخل انا بقى دلوقتي لعرفات باااى
دخلت هاله لعرفتت ووقفت منتهى بتاكل فى نفسها من الغيره
عرفات شاف هاله داخله عليه قام وقف عشان يتسقبلها
ايه ده هاله انتى كويسه وحبيبه كويسه
هاله: قربت منه وحاوطت حولين رقابته باديها
اه يا حبيبي إحنا كويسين بس انت وحشتنى ومن ساعت ماجينا هنا وانت شغلك واخد كل وقتك قلت اعدى عليك اعملك مفاجأة واخدك ونخرج سوا
منتهى مقدرتش تمسك نفسها من الغيره وخبطت خبطه على الباب ودخلت مره واحده وشافت هاله وهى محاوطه رقابته باديها وبصتلهم باصه ناريه عرفات من جواه اتوتر واتضايق ان نهله ماسكاه قدام منتهى بالشكل ده مع ان فى شغله القديم كان عادى لو السكرتيرة القديمة شافتهم كده نزل ايد هاله وراح لمنتهى
خير يا مدام منتهى فى حاجة
منتهى بدون تعابير
اتفضل مؤمن باعت لحضرتك الملفات دى بتاعت الاجتماعات اللى حضرتك محضرتهاش يا عرفات بيه
عن ازنكم وسابته وخرجت
عرفات: معلش يا هاله هراجع الملفات دى ونخرج بس حبيبه مين معاها
هاله : الداده بتاعتها هتبات معاها
خلص عرفات مراجعه الورق ومسك ايد هاله وخرج
عرفات: مدام منتهى تقدرى تروحى دلوقتي انا همشى
هاله : منتهى تحبى نوصلك فى طريقنا انتى ساكنه فين
منتهى : لأ شكرا لحضرتك مالوش لزوم
هاله : قولى بس انتى ساكنه فين
منتهى : بصت لعرفات المقطم
هاله : طيب تعالى معانا نوصلك لاقرب مكان يلا
هاله مسكت ايد عرفات ومشيت قدام منتهى ومنتهى كانت ماشيه وراهم مركزه على ايده اللى حاضنه ايديها
ركبت هاله قدام وعرفات كان سايق ومنتهى ورا وكانت سرحانه وحاولت ماتبينش على ملامحها اى حاجه
نزلت منتهى اقرب مكان وقعدت على الرصيف تعيط
ماشى يا زهران بتحضن واحده تانيه قدامى وتمسك ايد واحده تانيه قدامى مش هنسالهالك ابدا حتى لو رجعت افتكرت مش هنسهالك وفضلت تعيط فى الشارع لحد ماهديت خالص وبعدين رروحت
مرفت اول ماشفتها : مالك يا بت شكلك معيط
منتهى : لا ابدا ضغطى وطى انتى عارفه لو ماكلتش كويس وشربت مايه كتير ضغطى بيوطى ازاى
مرفت : طيب ويا حبيبتي خشى غيرى هدومك وانا هحطلك تتغدى
منتهى : امال احمد فين
مرفت : جه من المدرسة زاكر ولعب ونام من شويه
منتهى : طيب على ماغير واتغدى يكون نامله حابه عشان يصحى فايق عشان ازاكله
مرفت : تمام يا حبيبتي يلا
دخلت منتهى غرفتها واخذت بعض الملابس وتوجهت للمرحاض وفتحت الصنبور على المياه البارده لعلها تطفئ من نيران قلبها اغلقت الصنبور وانتهت من اخذ حمام بارد
جلست تتناول غداؤها ثم اخذت تهتم بابنها ودراسته حتى اتت الساعه ٩ مساءاً موعد علاج زهران
اخذت تفكر هل تتصل به وتهتم به ام انه لا يستحق وتبعد وتترك مكانها لأخرى
عاند القلب مع العقل منهم من يريد الاتصال به وسماع صوته ومنهم من يقول لها لا تفعلى لا يستحق
انتهت من هذا الجدال بحل وسط وهو إرسال رسالة نصيه لتزكيره بموعد الدواء
أرسلت منتهى الرسالة ثم اغلقت الهاتف وذهبت لتفعل شئ كى تشربه
عادت مره اخرى وجدت صوره للعلاج وتحتها كلمه شكرا
تجاهلت الرسالة واخذت تتصفح مواقع التواصل الاجتماعي وظلت تبحث عن اخباره القديمه حتى غلبها النعاس
فى اليوم التالى استيقظت كالعادة وارتدت من الثياب اجملها وتزينت وذهبت لعملها
دخلت الى مكتبها وقامت بروتينها اليوم إلى ان اتى عرفات
عرفات: صباح الخير
منتهى : صباح النور
دخل عرفات مكتبه ودخلت منتهى قدمتله الاوراق وكل الملفات بدون اى تعليق منها قصص وروايات كامله بقلم امانى سيد
عرفات : شكرا انك فكرتينى بمعاد الدوا امبارح
منتهى : مقولتليش ده علاج ايه
عرفات: من فتره حصلتلى حادثة اثرت عندى على الزاكره بقالى فترة طويلة باخد ادويه ومافيش نتيجة اخر مره الدكتور غيرى الأدوية بالأدوية اللى انا باخدها دلوقتي دى
منتهى : وانت فعلا مش حاسس ولا فاكر اى حاجه بخصوص الماضي بتاعت اصل عندى فضول اعرف الناس اللى فاقده الزاكره دى بيبقى احساسهم ايه او بيفكروا ازاى كده يعنى وحتى الاحلام بتشوف ايه قصص وروايات أمانى سيد
عرفات: احساس من جوايا ان فى حد انا مشتاقله مين هو مش عارف بس حاسس ام فى حاجة مهمه نقصانى وعايز افتكرها
منتهى : محولتش تسأل عن ماضيك
عرفات: انا عرفت ان انا مصرى عشان طريقه اللهجه بتاعت للكلام كلمت السفارة بس معرفتش اوصل لأى حاجه
منتهى : طيب بطاقتك الشخصية راحت فين او باسبورك
عرفات: مكنش معايا غير هدومى وانا خارج من
منتهى : طيب مشروعك عملته ازاى ابتديت ازاى
عرفات: انا اتكلمت كتير عنى دورك بقى
منتهى : اقول ايه
عرفات: انتى متجوزه مخلفه كده يعني
منتهى : اه متجوزه من سبع سنين بس بقالى حوالى ٥ سنين معرفش حاجه عن جوزى لحد من فتره قريبه كده
عرفات: استنتيه خمس سنين طيب ماطلقتيش ليه من بعد أول سنه لما هو مختفى كده
منتهى : كنت عايشه على امل يظهر فى يوم
عرفات: وظهر
منتهى : اه بس للأسف استغنى عنى انا وابنه طلع متجوز وشايف حياته ونسينا خالص
عرفات: معقول في حد يبقى معاه جوهره بالوفاء ده ويسبها
منتهى : نصيب الحمد لله
عرفات: لسه بتحبيه
منتهى : كفايه كده كلام عنى 😉
عرفات: بتردهالى
منتهى: حاجه زى كده
عرفات: عموما الايام بينا كتير
عرفات من جواه ارتاح انها مش مرتبطه لانه اعتقد انها اطلقت 😉
عدى بعض الوقت وجه معاك العلاج فى الوقت ده مسك عرفات بعض الاوراق وعمل انه مشغول دخلت منتهى
عرفات بيه معاد العلاج
حطيه هنا انا هبقى اخده بعدين
منتهى : هتنساه
عرفات: منا ايدى مش نضيفه من الورق
منتهى فهمت انه عايزها تديله العلاج مره تانيه فى بقه
راحت قربت البرشام من فمه
افتح بقك
عرفات بصلها ورفع عينه بهدوء وهى لمسه شفيفه بصبعها وهى بتحطله البرشام في بقه ولما خلصت مسك ايديها باسها
منتهى : بلاش كده
عرفات: ليه
منتهى : مايصحش
عرفات: عايز اشكرك ودى انسب طريقه اشكرك بيها
منتهى : وانت اى حد بيعملك حاجه بتشكره كده
عرفات: لأ انتى بس
منتهى : اشمعنى
هنا دخل عليهم مؤمن ومنتهى عدلت نفسها اوام ووقفت
مؤمن : صباح الخير يا منتهى صباح الخير يا عرفات
منتهى : صباح النور يا مؤمن
عرفات حس بغيره من جواه بسبب رفع الالقاب بينهم
بس بقى لو سمحت يا مدام منتهى لازم تحافظى على الالقاب بينكم ايه مؤمن ومنتهى دى وانت يا مؤمن فى ايه من امته بترفع الالقاب بينك وبين اللى شغالين عندنا
بصتله منتهى بدموع وسابت المكتب وخرجت وراحت الحمام