رواية أحببت مختمرة الفصل الحادي عشر 11 بقلم هايدي وهب
رواية أحببت مختمرة الجزء الحادي عشر
رواية أحببت مختمرة البارت الحادي عشر
رواية أحببت مختمرة الحلقة الحادية عشر
فى بيت ملك قبل كتب الكتاب بـى يوم
الجو في البيت مش طبيعي… ضحك، دوشة، وزغاريط من كل ناحية، والستات رايحين جايين ما بين المطبخ والصالة… ريحة البخور مالية المكان.
خالتو نوال وهي بتعلّي صوتها: يا بنات، طلعوا الطرحة البيضا دي، هايدي عايزاها في البروفة!
جنى وهي ماسكة طرحة طويلة فيها شغل خفيف على الأطراف: دي؟ ولا التانية اللي فيها ورد أبيض؟
ملك وهي واقفة جنب هايدي، بتحاول تعدّل في فستان أبيض ناعم: اللي فيها ورد هايدي بتحب البساطة، مش كده؟
هايدي واقفة قدام المراية، عينيها فيها لمعة فرح ممزوجة بشوية حزن: آه… بحب الحاجات الهادية، ماما كانت دايمًا تقول البساطة دي جمال لوحده.
زغروطة قوية تطلع من الصالة، وسط صوت الستات:
ييييييييااااه عروسة البيت! عقبال الفرحة الكبيرة يا رب!
هايدي بصوت هادي: يارب…
الكوشة لسه بتتزين، وملك بتتخانق مع واحد جاي يركّب الإضاءة
ملك بشقاوة: يعني إيه الإضاءة متأخرة؟ العروسة مش هتطلع في ظلمة!
فهد داخل فجأة من باب البيت، ومعاه بوكيه ورد أبيض: يبقى ننوّرها بالورد ده.
هايدي تضحك وهي لسه لابسة البروفة: إيه ده؟داخل كأنك في فيلم!
خالتي نوال من بعيد: بس يا بنات، هيصونا شوية! دى بروفه كتب الكتاب!
جنى تضحك: هو مش بروفه بس! ده بهدلة!
هايدي بصوت هادي وهي تبص لنفسها في المراية: كان نفسي ماما تبقى معانا…
ملك تحضنها من ضهرها: وهى معانا، شيفانا وفرحانه بيكي… ولو كانت موجوده كانت هتبقى أكتر حد فرحانه بيكي، يا قلب أختك.”
فهد بهدوء وهو بيقرب منها: وإن شاء الله منعملهاش غير اللي يرضيها… وكل حاجة على بركة ربنا.
الكل يلف حواليهم، والضحك والزغاريط ترجع تعلى
ــــــــــــــــــــــــــــــــــــــــــــــــــــــــــــــــــــــــــــــــــ
تانى يوم يوم كتب الكتاب
الصبح الساعة 9:00 فى بيت هايدي
الشمس داخلة من الشبابيك، والبيت ريحته بخور وفل… الستات شغّالين من بدري.
ملك بتلف على الصالون: البوفيه في مكانه؟ العصاير وصلت؟ يا بنات خلّوا الجو كله ورد!
جنى من أوضة هايدي: هاااااايدي، اصحي يا عروسة! يومك النهاردة يا قمري 😍
هايدي بصوت نايم ووشها على المخدة: أنا مش مصدقة إن النهاردة… خلاص… هبقى مراته رسمي.
(تبدأ الموسيقى الخفيفة تشتغل… صوت دفوف هادي)
ــــــــــــــــــــــــــــــــــــــــــــــــــــــــــــــــــــــــــــــ
الساعة 11:00 الكوافير جه
هايدي قاعدة قدام المراية، لابسة روب أبيض، وبصّة لنفسها بشرود.
الكوافيرة: يا بخت اللي هتكوني ليه، وشك فيه نور رباني، سبحان الله 🥹
جنى بتجري ناحيتها: هتبقي أحلى عروسة في الدنيا يا هايدي 💗
هايدي بابتسامة مكسوفة: أنا مش عايزة أكون حلوة… أنا عايزة أكون على قد حب فهد ليا.
ــــــــــــــــــــــــــــــــــــــــــــــــــــــــــــــــــــــــــــــــــ
الساعة 2:00 فى بيت هايدي
الناس بدأت تيجي، البيت اتملّى رجالة وستات، أصوات زغاريط، وضحك، ودبدبة رجلين.
(فهد داخل، لابس بدله تحفه مبينه عضلاتوا وملامحوا الرجوليه الهاديه)
فهد في سره وهو بيبص للبيت: يا رب، دي البداية… واكتبها فرحة حقيقية.
ــــــــــــــــــــــــــــــــــــــــــــــــــــــــــــــــــــــــــ
الساعة 3:00 الجلسة الرسمية لعقد القران
الشيخ قاعد، وفهد قدامه، والناس كلها حواليهم.
الشيخ:
قول ورايا يا فهد…
(فهد بيردد الكلام بصوت واثق، عينه بتدور على هايدي وسط الستات)
الشيخ يعلن:
بارك الله لكما وبارك عليكما وجمع بينكما في خير 🌸
(أصوات الزغاريط تعلو، وهايدي بتعيط بهدوء، وإيدها في إيد ملك)
ملك:
هو ده اليوم اللي كنت بحلملك بيه من زمان.
ــــــــــــــــــــــــــــــــــــــــــــــــــــــــــــــــــــــــــــــــــ
الساعة 6:00 المغرب فى الفوتوسيشن
فهد وهايدي بيصوروا وسط الشجر، وفهد ماسك إيدها ومش سايبها.
فهد: إنتي مش بس مراتي… إنتي رحمتي اللي جاتلي بعد ضياع سنين.
هايدي بدمعة فرح: وأنا حبيت فيك الراجل اللي حب ربنا قبلي.
ــــــــــــــــــــــــــــــــــــــــــــــــــــــــــــــــــــــــــــــــ
الساعة 9:00 بليل فى البيت
الكل بيرقص، والأغاني شغالة، ومفيش حد قاعد. جنى بترقص، وملك بتصوّر، وفهد واقف بيتفرّج على هايدي من بعيد وهي بتضحك مع البنات.
رحاب خالتها: يا رب فرّحكوا دايم… وربنا يعوّض صبرك يا بنتي.
هايدي تبص لفهد: النهاردة أنا بقيت بتاعتك… قدام الدنيا كلها.
فهد بيقرب منها: ومن النهاردة… عمري كله ليكي.
اليوم خلص بى ضحك، ونور، وفرح، والدنيا كلها بتحلف على الفرحة
ـــــــــــــــــــــــــــــــــــــــــــــــــــــــــــــــــــــــــــــــ
تانى يوم
فى أول زيارة لفهد بعد كتب الكتاب
بيت هايدي العصر
الجو هادي، والدنيا فيها ريحة بخور وورد.
هايدي لابسة لبس شيك ومحترم، طرحتها نازلة بهدوء، وحاطّة شوية مكياج خفيف.
فهد قاعد على الكنبة، ووشه مليان شوق وفرحة، وهايدي قاعدة قصاده.
فهد بيبص لها: هو أنا المفروض أتكلم؟ ولا أقعد أبصلك كده طول الزيارة؟ 🥰
هايدي تضحك وهي تمسك الوسادة: لو هتفضل تبصلي كده، يبقى الزيارة الجاية تبقى مع نضارة شمس 😂
فهد يميل قدّام شوية:
أنا مكسوف أقولك إنتي طالعة قد إيه حلوة… بس يلا، ربنا كتبلي الحلال أهو 😎
هايدي بكسوف وضحكة: بلاش كلام البنات ده.
فهد بشقاوة: يعني أقولك يا سي فهد؟ ولا يا مولانا؟ ولا أناديك باسم العيلة؟
هايدي بهزار: ناديني باسمي وخلاص… بس لو زودتها، هقوم أجيبك كوباية عصير وأحطلك فيها ملح بدل سكر 😏
فهد يضحك:
ده انتِ جواكي شرير صغير… بس والله بحب ضحكتك أكتر من العصير!
يسود لحظة سكون خفيف
فهد بصوت هادي:. أنا كنت بحلم باللحظة دي… أقعد جنبك في بيتكم، وإنتي مراتي… بس لسه مش في حضني.
عارفة؟ أنا مستني اللحظة دي بكل قلبي… بس مستعد أستناها العمر كله لو ده هيريّحك.
هايدي و عينيها بتدمع شوية وتبتسم:
أنا كمان مستنياها… بس براحتي، وبحبك اللي بيدفّيني.
فهد يمدّ إيده بهدوء، ويلمّس إيدها من فوق
فهد: أنا هنا… وهفضل هنا.
مش بس في البيت… في قلبك.
هايدي تسند راسها على إيدها وتضحك بخجل: ده إنت طلعت بتاع كلام… كنت مفكراك مشاعرياً ميت 😅
فهد: كنت… بس إنتي رجّعتيلي روحي.
ــــــــــــــــــــــــــــــــــــــــــــــــــــــــــــــــــــــــــــــــــ
فى بيت هايدي، بالليل
الأنوار هادية، القعدة بسيطة، وكل واحد فيهم ماسك كوباية عصير وبيتفرجوا على بعض.
هايدي بشقاوة: يلا نلعب لعبة جديدة… اسمها “لو كنت…
فهد بيقرب منها: ماشي يا ستّي… بس أوعي تسأليني حاجه تخوف 😅
هايدي:. أنا الأول…لو كنت زهرة، كنت هتبقى إيه؟
فهد:زهرة صبار… شكلها هادي، بس جواها شوك يخوف، إلا لو لمسك إنتي… يبقى يطرح ورد 🌵🌸
هايدي تضحك: شفت الغلاسة دي؟طب دورك بقى…
فهد: لو كنتي أكلة… كنتي إيه؟
هايدي بثقة: كشرى… حاجه شعبية وكل الناس بتحبني، بس لو اتعاملت غلط… أقلب الدنيا! 😂
فهد يصفق: إجابتك تخوف! بس لذيذة.
هايدي:. لو كنت لون… كنت إيه؟
فهد:. رمادي… مش باين في الزحمة، بس لما بتقربي مني، تكتشفي فيّ دفء مش طبيعي.
هايدي تسكت لحظة، وبعدين: إجابتك حلوة أوي…
فهد نظرة شقية: لو كنتي نغمة في أغنية… كنتي تبقي انهي؟
هايدي بكسوف: الجزء اللي بيقوله دايمًا “بحبك”
لأني خلاص… بقيت جزء من تكرارك ❤️
هايدي تحاول تغير الجو:
طب لو كنت مش موجود في حياتي… كنت هتبقى إيه؟
فهد يسكت شوية: كان زماني عايش… بس مش حي.
لقوا فون فهد بيرن بحد برقم حد مش متوقع…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مختمرة)
